Mesaj ji dostên milîtan re
Mesaj ji dostên milîtan re Ji bo dinyakê nû birano,
Ji bo dinyakê nû
Ev şer
Ev xwîn
Ev zulim
Ji bo dinyakê nû birano
Ji bo dinyakê nû
Ev aram
Ev rik
Ev qolinc
2.
cendekên zarokên birçî û qehpikên biçûk
demokrasiya qesabxanan di bin dîwaran de dilerize
di kûçeyên parsekan de îhtilal
kirasên belengaz li xwe dike
ji ber ku fînans kapîtal bi kûmê xwe yê kolonyel
û bi rihê xwe yê dirêj û spî
meclîsên neteweyan qehîm girêdane
bi çarxên har yên dolaran
rahên çiyan diqelişine
întixareke kevnar di qefesa can de
bi înadê li şoreşên durû yên generalên cuntayî
û ji bo xatirê ordiyên dagîrker
hey lê, çavê te bixwum demokrasiya
ku bi serqiloç
û destqeyidkirî ye
û esnafên noker
û hemû sextekar û bênamus
çivîk venaşînin ser benên telgrafan
zîndanên tirsê li ser dilê xama rûniştiye
reşandiye strana tarî ya birçîbûnê
li ser misilmanên belengaz yên her pênc wextên selayê
4.
Aha, welatê min bûye cendera zilmê
der û dor mezbehe
navend gîyotîn
êvaran devsa nan
qehir vediguhezin ser sifreyan
û bi şev jî
însanên welatê min bi bermaliyên re,
bi êş û kulên xwe radizên
li eşayirên payebilind û xwedîşahî menihêrin
stran û dîlanên wan derew
pevçûnên wan derew
li milê dinê çiyan
pişt û stûxwar
mal kavil û wêran
û li vî milî
dizî
û talan
6.
Îxanet bi destên xwe yên revok û bi dilê xwe yê mêrkuj
di hewşên mizgeftan de sedaran daçikîne
zarokên ciwanmerd ên serxwebûnê
li ber devê xwekuştina mawzeran
Xalit Begê Cibrî, Seyîd Riza di întîxara mawzeran de
şikeftên Dersîmê straneke heyveronî ne
Mirê mîran nema dikare biqîre
ew bêdeng e, serdar û fermandar du rû ne
û Mîllî Cephe bi pêxasiyeke pozbilind
hinekî Marks hinekî Hitler
begên Kurdan ku hatine xeniqandin
di gorên xwe de tên gulebaran kirin
û Mistefa Kemalekî di elîfbêya burjuwazî de
di van çiyan de nîr
li stûyê stranên me yên hennekirî hatin xistin
bi navê bratiya gelan
di van çiyan de zikên jinên biducanî hatin qelişandın
di van çiyan de îstiklal-i tam hat fetisandin
lê lûle hê sar nebûbûn
rizgarîxwazên Mîllî dimeşiyan
pê li serên bi xwîn yên zarokan dikirin
û dimeşiyan rizgarîxwazên millî
ji bo qetlîamên millî
...
..
.
nanê me tunebû
guleyên me tunebû
axa me
ku bi hezaran can
û hêvîyekê li zerê diçand
tunebû
miriyên me wekî çiyan li ser hev vegevizîn
û namusa me di bin lingan de ma
...
lanetbûyî
zar zeç
jin û dewarên me
birçî
...
Ew bi çaketên xwe yên çerm
û bi potinên xwe yên reş
ordiyên talanker nebûn
ew neferên Kuvay-ı Millîye bû
ku me bi hev re nanê reş
seriyekî pîvaz parve dikir
û cendekên me, bê şîn û bê civat
li nik hev dihatin veşartin
cendirme, pilingên bixwîn yên zor û zilmê
Zilan bi xwîn rê nade
ji hal û hewalê fahm nake
wey loo, lo, lo wey lo
li pey me alayiya sîwarê
li ser me makînali
7.
Dosto, mebesa me bi yeko yeko gotina van tiştan ew e,
ku tu bizanibî ka tu ketiye nav şerekî çiqas dijwar.
tîfûs û qanser
û siyatîk
dîfterî
qelsbûna dil, ulser hwd.
û bi hemû xirabî û nexweşî
di ser de jî birçîbûn
di ser de zordestî
û di ser de jî zindan
xum xumeke bêdeng û keysarê tebîetê
şitil qels in
di çiyan de êşa xemgîn a heviyê
di nav singa axê de tov rûçikiyê û bi xwîn e
û stranên me di nav xwînê de ne
"roja zivistanê ye gul nabişkovin
bilbil naxwînin li ser şaxan
dil dixwaze dest nagihiyê
wey li min
ez birîndar im
ji hundir
yarê ji hundir biqelşîne dilê min"
aha namûs
ji kedera xwe li întîxarê diponije
û qehra vê beroşa vala
ji xwe fêdî dike
axa ku yekî bi yek nade
cot cobar
gayê pîr
zar zêç
birçî û tî
ne çûyîn
ne hatin
û di çiyan de
mehkûmên tahzî.
Orhan KOTAN
Orhan KOTAN http://www.xoybun.com/extra/slide/Unbenannt-2.swf
http://www.pdk-xoybun.com/nuceimages/Newroz_Kurdistan_PDK_Xoybun_x1.jpg
http://www.pdk-xoybun.com/nuceimages/Nexise_Kurdistane_PDK_b.jpg
Mafê Kopîkirin &kopîbike; PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane. Tev maf parastî ne. Weşandin:: 2006-07-16 (4435 car hat xwendin) [ Vegere ] | PRINTER |
Ev malper, herî bash, bi Avant Browser, tê xuyakirin...
Download !!! 
