Ji 74 salan ve HAWAR hatiye hawara me !.. Gelo em bi hawara wê ve çûne ? !
(1537 gotin)
(4059 car hat xwendin) 
 
Ji 74 salan ve HAWAR hatiye hawara me !.. Gelo em bi hawara wê ve çûne ? !
Berî her tiþtî, dixwazim bi gotineke Mîr Celadet Bedir- Xan dest pêbikim :
( Mal xerabo ! ma we ew çend wext nîne, ko hûn ji bo hînbûna zimanê biyaniyan bi salane ve xebitîne, îro jî dixebitin, ji bona ko bikarin fînfoneke derewîn bi lêv bikin.. Kuro ! Eybe, þerme, fihête, an hînî xwendin û nivîsandina bi zimanê xwe bibin, an mebêjin em Kurdin, bê ziman Kurdîtî ji we ra ne romete, ji me ra rûrewþiyek girane.. Heyf û xebînet û hezar mixabin, nemaze ji wan ra ko bi zimanên din dizanin bixwînin û binivîsînin û alfabêya zimanê xwe hêç nas nakin .. )
Mîr Celadet Bedir - Xan, kovara Hawar, hejmara ( 27 ) Þam, 1941 :
Wek ku diyar e, di roja 15 ê gulana isal de ( 2006 ), 74 sal di ser derçûna kovara HAWAR ê re derbas dibin. bi vê mebestê ez dixwazim careke din dewla xwe di bîra Bedirxaniyan de dakim û kela xwe û kela tiyên ziman û rojnamegeriya kurdî bi qurtek av ji vê bîra Bedirxaniyan hênik bikim...
Wek ku nase, mîr Celadet Alî Bedir-Xan di destpêka jiyana xwe de pîþ bi siyasetê kiriye û di gel re jî hewldaye ku turikê xwe ji rewþenbîriya giþtî dagire.
Wî ev herdu bar bi hevre hilgirtine û þopandine. Ji xwe siyaset bê rewþenbîrî, û rewþenbîrî bê siyaset tekûz nabe] Ango hûnandinek di navbera herdiuan de heye.
Mîr Celadet Alî Bedir-Xan, di biçûkaniya xwe de fêrî gelek zimanên biyanî bûye û bi wan zimanan serwextî çand, ferheng û rewþenbîriya gelek miletan bûye, di gel ku zimanê kurdî, zimanê axaftina mala wî bû. Û di sala 1909´an de, li ber destê Mewlan Zade Rifet Efendî, xwediyê rojnameya "Serbestî" li Stenbolê, fêrî kar û barên rojnamevaniyê bûye.
Li ser vê yekê mêzekin, bê ew bi xwe di romana "Bîra Qederê" de çi dibêje :
".. Þerekî nû destpêkiribû. Min kar, þixûl, mal, dezgeh, pêwendî, hedef û armanc diviyan. Minê çi bikira ? Berê xwe bida ku ?
Kurdan gotibûn: Teyr baþe bi refê xwe re. Ezê bibûma hevalê kîjan rêz û refan ?
Min xwendin û nivîsîn, ilm û irfan, rojname û kovar helbijartin. Mir da ser vê riyê. Ez nikarîbûm bibûma paþa, zabit, tacir, dikandar, karmend, hembal, berdevk, peyiyê malê û xemxwarê karê rojane. Ev kar û tiþt li min ne dihatin. Ne bala min li ser wan bû û ne jî wan heyecanek didan jîna min.
Lê nivîskarî, rojnamevanî, kar û dozên mezin, hedef û armancên bilind, pîrozheycanek bê payan didan min. Ez, yan jî, ez, bira, mam û merivên xwe jî, bi hesibînim û bibêjim em, bi bîr û dîtinên Roussau, Dîderot, Voltaire û feylesûf û nivîskarên din yên þoreþa Firansayê, bi þirên Ehmedê Xanî û Omerê Xeyam û bi ders, tecrûbe û serpêhatiyên mîr Bedir-Xan perwerde bibûn. Ma me qîma xwe bi karên rojane dianî ? Min fedefê xwe hilbijart...
Hingê du mecmûa hebûn, ku li ser dilê min, hem pir ezîz bûn, Ictîhada Abdellah Cewdet beg û (Serbestî ) ya Mewlanzade Rifet beg.
Gava min daxwaza xwe ya xebatê, li cihê Serbestî û Mewlanzade Rifet beg re got, wî berçavkên xwe derxistin, ez hembêz kirim ( Mukemmel, Mukemmel ) got û ez li aliyê din yê bureyê li ber maseke biçûk dam rûniþtin. Bi vî awayî min dest bi xebata rojnamevaniyê kir...
Serbestî rê li ber min vekir ku ez bikaribim rojname û kovarên, ku min paþê li welatên dûr û xerîb derxistin, biweþînim. Eger ew tecrûbên rojên Stenbolê nebûna, ne Hawar û kitêbên wê, ne jî Ronahî derdiketin. Ez ne bawerim ku ewê bikarîbûna derketina..."
Ji hingê ve Mîr Celadet Bedir-Xan pîþ bi karê rojnamevaniyê kiriye, pê mijûl bûye û gelek gotar di rojnameya ( Serbestî ) de weþandine, ew rojnameya ku di navbera salên 1909 - 1913´an de li Stenbolê dihat belavkirin. Di sala 1910´an de, dema ku hêj xwendina xwe dikir, bi kar û barê weþandina kovareke dibistanî rabûye û berpirsiyara wê kiriye. Di sala 1912´an de, bi þagirt û qutabiyên Kurdên Stenbolê re beþdarî avakirina ( Komela Xwendevanên kurd ) bûye, ewa ku tê naskirin bi navê "Hêvî", û bi wan re alîkarî di weþan û belavkirina kovar û rojnameyên wan de kiriye, wek:
Rojî Kurd ( 1913 ) : Eva ku di bin berpirsyariya Mihemed Salih Bedir-Xan de dihat weþandin
Hetawî kurd ( 1913 ) : Eva ku di bin berpirsiyariya Hemze begê Miksî de dihat çap û belavkirin.
Yekbûn ( 1913 ) : Ev jî di bin berpirsiyariya Mihemed Salih Bedirxan de dihat weþandin.
Di sala 1918´an de, alîkarî di weþan û belavkirina kovara "Jîn" de kiriye, ewa ku bi navê (Komela Tealî Kurdistan) li Stenbolê dihat weþandin, di bin berpirsiyariya Memdûh Selîm beg Wanlî û Hemze begê Miksî de...
Û weha ta ku di roja 15 gulana 1932´an de,berî 74 salan, kovara xwe "Hawar" li Þamê, bi tîpên latînî çap û belav kiriye û di rûpelê pêþîn de gotiye:
" Hawar dengê zanînê ye, zanîn xemnasîne, xemnasîn ji me re riya felat û xweþiyê vedike. Her kesê ko xwe nas bike, dikare xwe bide naskirin. Hawara me berî her tiþtî, heyina zimanê me dê bide naskirin, lewma ko zimanþertê heyînê a pêþî ye.."
Bi weþandina kovara Hawarê re, bi tîpên latînî, yekemîn care di dîroka Kurdan de ku zimanê kurdî bi tîpên latînî tê nivîsandin. Ji vê kovarê 57 hejmar hatine weþandin. Hejmara dawîn di 15ê tebaxa 1943´an de bû. Temenê Hawarê dor 11 salan dirêj kiriye, belê du caran jî ev kovar ji ber rewþa aborî hatiye sekinandin.
Ev kovar bi du zimanan, kurdî û firansî, dihat weþandin. Ji hejmara 1-23´an bi du alfabeyan, erebî û latînî, dihat nivîsandin, ji hejmara 24´an û bi þûn ve, tenê bi alfabeya latînî maye berdest..
Di destpêka weþandina kovara Hawarê de bi tîpên latînî, gelek Þêx, mele û feqeyên Kurdan dijî berdestkirina tîpên latînî ji zimanê kurdî re sekinîne û gotine: ev tîpên gawiran in, çawa hûn pê zimanê me dilewitînin..?! Ta ku þêxê þehîd Ebdulrehmanê Garsî fitûke deraniye û pê tîpên tîpên latînî ji zimanê kurdî re helal kiriye...
Naveroka Hawarê bêtir li ser van babetan belav dibû: Alfabeya kurdî, zimanê kurdî, giramêra kurdî, ferhenga kurdî, hem jî stûnek ji zarokan re û quncikek bijîþkî û tendurustî jî tê devekiri bû..
Gelek nivîskarên Kurdan bi rêya Hawarê nav û deng dane, wek: Cegerxwîn, Osman Sebrî, Qedrî Can, Dr. Nuredîn Zaza, Reþîdê Kurd, Hesen Hiþiyar. Ji xwe Qedrî Can wek nûxuriyê Hawarê tê naskirin, çiko ew ji yên pêþîn bû ku tê de nivîsandiye.
Di sala 1942´an de, mîr Celader kovarek din, di gel kovara Hawarê weþandiye bi navê "Ronahî", ev kovar jî bi kurdiya latînî li Þamê hatiye çap û belavkirin.
Hejmara pêþîn ji vê kovarê di 1ê nîsana 1942´an de hatiye weþandin, hejmara dawîn ( 28 ) di adara 1945´an de derçûye. Bi vê kovarê yekemîn care ku rojnamevaniya kurdî bi wêne hatiye weþandin.
Bi saya mîr Bedir-Xanê Botî, kur û neviyên wî, roja îro em xwe peyebilind di nav netewên cîhanê de dibînin, bi saya mîr Bedir-Xan yekemîn serhildana kurdî a netewî destpêkiriye ..Bi saya kurê wî Miqdad Medhet Bedir-Xan, bingehê rojnamevaniya kurdî hatiye danîn, û bi saya neviyê wî mîr Celadet Alî Bedir-Xan zimanê kurdî bûye xwedî alfabeyek xweser, ku roja îro piraniya Kurdan bi alfabeya wî dixwînin û dinîvisînin.
Heger ji berî 74 salan ve HAWAR hatibe hawara me, Gelo, roja îro em bi hawara wê ve çûne ?! Tevî vê teknolojiya nû û moderin û van alavên ragihandinê yên bi lez û bez, hê jî em nikarin kovarekê mîna Hawarê bi herdû þêweyên Kurdî, kurmancî û Soranî bi weþînin û di nav kurdan de bi belav kirin bidin..! Mîr Celadet Bedir-Xan bi tena xwe, herdû zarav di kovara Hawarê de kom dikirin û nivîskarên wê îro, stêrin geþin di asmanê kurdistanê de...Gelo ! Çima em nikarin û em nakin..Û yên ku karin çima nakin ?! Pirsike, ez jî wek xwendevanan li bersivê digerim..?!!
Heger mirov li dîroka malbata Bedir-Xaniyan vegere û berpêl bike, wê bibîne ku Bedir-xanî bi tevayî di sirgûn û zîvariyan de hatine kuþtin û mirin, û ev yek bi tena xwe xweþ didevane ji dilsozî û wefadariya wan re, ji gelê Kurd re. Û ev yek dihêle ku em navê wan bi tîpên zêrîn di dîroka gelê Kurd de binivîsînin û weha bîranîn ji bo 74 saliya derçûna yekemîn kovara Kurdî bi tîpên latînî,bi navê HAWAR ku mîr Celadet Alî Bedrirxan di weþand bi bi bîr bînin..
Sed rehmet li giyanê tev referên malbata Bedir-Xaniyan bibare, bihuþt cih û warê wan be.
Kurdistan, 21. 05. 2006
Konê Reþ http://www.pdk-xoybun.com http://www.xoybun.com/extra/slide/Unbenannt-2.swf
http://www.pdk-xoybun.com/nuceimages/Newroz_Kurdistan_PDK_Xoybun_x1.jpg
http://www.pdk-xoybun.com/nuceimages/Nexise_Kurdistane_PDK_b.jpg
|
Ev malper, herî bash, bi Avant Browser, tê xuyakirin...
Download !!! 
