SibeSibeRojhilat bi rengê zêr û zîv eKosret li ser mijê ye, sifarî ye Duh ji berfê sîstir bû mij Îro xweliya êgir e, risasî ye Çile ye, lê wek demek ji biharê Erd nerm e, hewa nerm e, sibeheke aşitî ye Dîk bang dike, dû bi ser kulekan ket Li jêr xule-xula avê, çavkanî ye Çivîk dixwînin, lê gol bêdeng e Hîn di xewnên şevê da ye, zîvînî ye Rojê lê da, pelên şevnemî diçirisin Zevî şîn bûne, keskezer û çîmanî ye Bayekî sivik dilîze bi pelên dara bîyê Dem çû, êdî zerşîn û şerabî ye Duguhure dem bi dem, deqqe bi deqqe Wek rojên payîzê ne, heryêk yêke dî ye Binêr nuha jî dûmaneke tozpembe Lê ew jî çû, çiya reng bi reng in û ezman binewşî ye © Kemal Burkay : Çileyê Pêşîn, 1994 Kemal Burkayhttp://www.pdk-xoybun.com |