PDK - XOYBUN
Şêrkoh Hopo : SÛRYA BİNGEHA EREBPERESTÎ Û TİRSÊ  SÛRYA BİNGEHA EREBPERESTÎ Û TİRSÊEger çendî di ewan armancande durust bû û pêkhatin an na ? Her ewî bi evî awayî hestê şovenistî û nijadperestiya Erebî vejand, xurt û dijwar û gurkir. Li gel diktatoriyê, xurûş û gumînek li koneya cîhanî xist û dîwarê herêmê hejand û derizand û kaxezêd koneyîy bêçare tev li hev kir. Rewş û wêneyekî Erebperestî da herêma Rojhilata Navîn, û bû sûnd û şanazî û serbilindî û sîmbola hemû Ereban, yên ku bi evê dîmagojî û gurkirina hestê nijad perest kêrbûn helbet Sûrya bû. Çunkî rûxandinên rêjîmêy li pêhev her ji demekê û pîlanêd dijminayîya serengînan berdewam bûn û ewan kesan ji qelsî û hejariya koneyî û berjewendiya ezîtî nikarîbûn rêberiya welêt berdewam bikin, an bispêrin hev lewra Welat li ser mersefa Zêrîn dan destê Cemal û Ew bêhtir mezin û payedar kirin. Zekemîn hevgirtina netewî di welatên Erebde dinavbera Sûrya û Mesr di 22. 02.1958 - 28. 09.1961 de bi navê ( Komara Erebîy Hevgirtî ) ava bû. Ji koraniya nijadperestî û serxweçûna Cemal Ebdilnnaser û stemawî ya bê sînor ew hevgirtin berdewam nekir. Çunkî ne li ser bingehên behwerî û cigersoziyê bû. Li ser bingehê fort û pesn û hêz xuyakirina lidij miletan û welatên herêmê û dijminiya Kurd û Israîl bû. Lewra ji ewê demêde ku navê Ereb tête gotin wêneyê Sûrya û Mesr tête ber çavan. Hêjî nimûne di herêmên Kurdîde hene wek ( pez û bizin qaçaxbûn û ji stema Cemal Ebdilnnaser av di bîrande çikyabûn ). Partiya Baas, ji damezirandina xwe de bi îdeolojîya Ereb perestî hewl daye ku xebatê bike û cihê xwe dinav gelde çêke û gel bi ramana nijad perestî perwerde bike û li dij her kesên demokrat rawestîya ye... Piştî têkçûna Komara Erebîya Hevgirtî çeteyên Partiya Baas ku Ebdilnnaser hebûna Partiyan bi tevayî û ya wan bi taybetî qedexe kiri bû. Derfet bestxwe girtin û bi êrîşeke rûxandinê desthelata Sûrî leyandin û dagîrkirin. Di 08. 03. 1963 de û pey her kesên welatperwer û demokrat xwaz ketin û avêtin zindanan. Wan bi işkence û kuştin û sergûnê de, nemaze rûxandina 1970 bi rêberya Diktator Hafiz El Esed ku her kar û xebata koneyî, çandî û civakî, paydos, têkelî û kombûn, nêrîn û raman qedexekiri bû û hebûna xwe û Baas û Erebtî bi Sûryave girêda. Ango Sûrya Esed û Baase û Esed û Baas Sûryaye, wesa yasaya welêt guherandin li gor berjewendiya tenhatiya xwe ya di dest jelatêde bi rêberitiya Baas, di yasaya 1973de bû jeya 8an di bêje Partiya Baasa Erebiya Sosyalîst ewe. Partiya ku serengiya civak û welêt û rêberya Bereya perwerîya pêşverû ji bo pêkanîna armancên gelê Ereb dike. Herweha sazmanên wek Ciwanên şoreşê, sedîkayên karker û cotkaran avakirin, ra sendîkayên bijîşk û bervedêran kirin gorî rêjîm û berjewendiya xwe û dezgehên ewlekariyê pir kirin û kirin dar li ser serê gelên Sûrî. Baas kirin dibistan di Sûrîde, gel li ser evê dîmagojya Efleqiya nijad perest û şofênî û berjewendiya ezîtî perwerde kirin û ew îdîolojîya Cemal Ebdinnaser ligel nêrîn û ramanêd xwe yê şofînî û nijad perest di Sûrya de çesipandin û berdewam kirin û kirin rêbaza xwendinê di Dibistanêd bingehîn, bilind û zanîngehande, êrîş dan ser netewa Kurd û rewş û navê nokrên derve û Îsraîlên dûwem bi Kurdanve kirin û zeliqandin. Nemaze bavê netewa Kurd Mistefa Barzanîyê nemir, li Sûrya cenga derûnî û tirs kerî û Erebkirina dîmografya herêmê û tawankariya perçe kirina welêt bi zindan û işkenc û li Îraq cenga bi hesin û agir û çekên Kîmyawî û enfalan... Her weha bi evî şêweyî gelê Ereb li dervey Sûrya û Îraq bi dijminayîya Kurdan perwerde kirin. Û boşelana gotarên Ereb perestan der bûn li dij gelê Kurd û Îsraîl di êzgeh û ragehanên Erebîy cûrbe, cûrde û nivîskarên pirtûkan xwe ji dijminiya gelê Kurd bêpar nehiştin û nikarîbûn Faşistî û şovenistiya xwe veşêrin... Mîna M - Teleb Hilal û projek tawî, lewra mirov dikare bibêje ku gelê Sûrî li ser bingehê Baas û Ereb perstî û nijad perestî yê perwerde kirin li gel ku rêberên Baas di jî wara çesipandina ramanên xwede va jî wesa bûn... Ango ew armanc û sîmbola ( Gelê Ereb Yekin bi Yek Nama Sermedin ) ti kar û xebat jêre nekirin. Tenha propaganda bû, û wesa dikarîbûn mejuyê Erebên kawik bixapînin ne tenha li Sûryê balam Erebên her welatên din jî wesa. Li gel ku di paş perdande peyman li gel Îsarîl emze kiribûn ku ti tengasî ji Îsarîlre ji hêla sînorê Sûryê çênebin û wesa nema doza Golan dikirin û ne li dijî wan di cengêde bûn û ne jî doza Iskenderonê li Tirkyê kirine û ne yekîtî an hevgirtin li gel welatekî Ereb girêdane li gel ku li Sûrya û Îraq Baas fermandar bû û herû her dijminêd hev bûn û her dû ejnûbûn ji Tirkye û Israîlre. Bi evê koneya xapandin û tirsa hêzên ewlekaryê bi darê zorê cihê xwe di mejeyê herkesên Ereb de çêkirin. Bi vî awayî em dibînin ku Erebên Sûrî bi ramana Baas ( ango Baasiyêd ne Baasîne ) ti rêxistin û Partiyên koneyî yên hevrik ên rêjîmê ji bil Birayên Misulman ( Ixwan El Muslimîn ) li Sûrî ser hilnedane û eşkere li dij rêjîma Diktator Esed û Baasa Faşist ne rawestyane hemû bêcudayî li gel Tevgêra Kurdî her serfirû û ejnû û stûxwar mane. Eger kesin hebûn an hebin her ew jî mirov dikare bi bêje sernixûm û tirsonek bûn û serê cigersozan zû bi şûrê qinarbazên Baas dihate birîn. Ne tenha ew balam partiyên wek Komonist jî bi rêberiya Xalid Begdaş ku binijadê xwe Kurde wesa îdeoloji ya xwe ya bingehîn û xudawend ( Komonistî ) avêt û gemsar kir. Di gotarên xwe de dibêje em gelên Ereb û piştgiriya netewa Kurd nekiriye û hebûna wan nepejirandiye. Di evan demên dawîde ku êrîşa cîhanê li ser serê rêjîma Baasa Efleqî li dar ketiye û xurt bû ye ji Ereb û Bassiyan bêhtir piştgirî û berevaniya rêjîma Baasa Faşist û diktatordikin, û Komunîstê kevin û Faşistê Erebê şaristanî Riyad Turk ku ji Ataturk û Erebperestan nijad perest' tir bû ye. Di bêje navim ti kes nexşeya Kurdistan hilgire û bête nikmin û hebûna gelê Kurd hîç napejirîne û Heysem Elmaleh serokê Komeleya Mafê Mirovan ji bil mafê mirovayetyê ji Kurdanre nabîne... Ew jî wek rêjîma Baas Kurdan netewekî serbixwe nabîne û rêxistinên kurd nijadperest dibîne, lidijî hebûn û mafê gelê Kurd di Sûryade radiwestin û ti hebûna wan ya netewî li ser xakaway dîrokî napejirînin ji bil mafê hevwelatyê û ew piştgiriya way mafê mirovayetî jî di be ku ji şerma ( Dinya yê be ), Bi tevayî hemû hevrikên rêjîmê naxwazin rêjîma Faşist bikeve balam ewjî dixwazin rolekê di rêjîmêde bilîzin. Lewra tikes ji wan ne tenha doza qedexekirina Partiya Baasa Şofînî nakin balam hemû piştgiriya hebûna wê dikin. Eger rêjîm rê ji wanre veke dê ew perdeya siyah ji ser rûyê wan zuşt bête hilanîn û rastî û dehayaway Faşist bêhtir bête diyar kirin. Ji bo nimûne ew sînorê axaftin û nêrîn û xebata ku rêjîma Baas ji wanre daniye bixwe ew li ser xwe dipejirînin û di çesipînin. Lewra ne seyre ku em di Sûryade ji 18 Milyonan çend kesên mirovperwer û Demokrat xwaz û piştgîrêd mafê miletan nebînin, ev yên ku hene û hevrikên rêjîmê diyar bû ne. Her ew jî ti maf û serbixwetiya gelê Kurd û netewêndî napejirînin û hemû Faşist û piştgîrêd Erebtiyêne bêhtir ji çeteyên Baas. Tevgêra Kurd jî wesa serîhilnedan li hember hovitya biryar û projektên şovenistiya rêjîmê herûher daketine serçogan. Hemû biryar li ser xwe pejirandin û xebata xwe hiştin di xelekeke teng û bêkêrde û gotarên xwey koneyî di nav xwede veşartî hiştin û ew sînorê sor derbas nekirin ku xwe bi gelên Sûrî û cîhanêre bidin nasîn û hîç rêjîm şermezar û cerûs nekirin û hewl nedan ku çarenûsa gel û netewa xwe ji Sûrî cuda bikin û xwe nedan diyarkirin ku miletekî dibin destê Sûrîde ne û Sûrya perçak ji Kurdistanê dagîrkiriye, Li gor nêrîna way ku nabêjin û binav nakin Kurd ne hêjayê welatekî serbixwene an hêjayê ku herdem dibindestê nijadperestan de bijîn û piştgiriya Felestîn û serbixwetiya wan û dijîtiya Îsraîl û kolonyalîtiyê di cîhanêde kirine û mafê ku ji her miletên bindest û Felesîniyanre doz kirine. Hîç wesa j ixwere nabînin û doznekirine, heweha rêjîmê çikir û ji wanre çû serî, lewra ewê jî çavê xwe ji xebata wan girtin, çunkî naskirin ku tikes xwedyê gelê Kurd tineye û ev partiyana an rêberêd wanin ne xwedîyê doza netewîne. Tenha dixwazin mîna Axan rêberiye kê bikin ger bi çi hawîbe ya giring ewe ku nêzîkî rêjîmê nebin. Lewra herêm dan ber Erebkirinê û qadên Kurdan ji wan standin û mîna Îsraîl arkincî ji Erebanre ava kirin û navên gund û bajaran guherandin û her gotina bi Kurdîve girêdayî qedexe kirin û dîroka kevnariya herêmê sextekirin û kesên Kurd Perwer hatin berdan ji kar û xwendin û her dezgehan. Di evan salên dawîde ku berê Kurdan kete Ewropa û bûn penaber û cihêd xwe li welatê xwey nuh girtin bi hestê Kurdewarî derfeta Demokratî û azadiya Ewropî bi destê xwe girtin û çalakiyên cuda di meydana Eropîde kirin. Bi Semîner û xwe pêşandan û li dergehê Perleman û balyozxaneyê hemû welatan dan û daxwazêd xwey netewî dan nasîn. Dîsa jî ne li gor raman û nêrîn û daxwazêd rêberên tevgêrê bûn û hewl dan ku destê xwey tirsonek û çepel bixne hust û qirka penaberên cigersoz û pêvajoya xebatawan li her derê rawestînin da rêjîma şovesnîsta Sûrî ji wan razîbin, rêjîma Faşist û şovenîst pîlan kiri bû ku gelê Kurd mîna Kurdistana rizagar û azad neramin û wan daxînin serçogan. Berxwedan û serhildana şêr û lehengên12ê Avdara pîroz ku ji Qamişlo çirûsk veda û pêtawê li her bajaran pêket û peykerê Diktator Hafiz El Esed li bajarê Amûdê hatexwar û wêran kirin bêhtir hestê Kurdên cigersozên penaber hejand û hevsarê hustê penaberên endamên Partiyan ji destê rêberan derxistin û Ala Rengîn û sîmbolên Bijî Kurdistan, azadî û serxwebûn ji bo gelê gelê Kurdên bin destê Sûrî û mirin ji bo rêjîma Baasa Faşista Efleqî berdewam bûn û dezgeh û ragehanên cîhanê û Perlemanê Ewropî li ser kêşa gelê Kurd û stem û şovenistiya dagîrkeran û çareser kirina wê bi awayên Demokratî rawestiyan û guftûgo kirin. Semîner û Kunger li ser kêşeya Kurdistana bindestê Sûrî li dar ketin û hê jî berdewamin. Çeteyên Partiya Baas piştî ku têr ji xwîna gel vexwarin û aborya welêt talan kirin her yek dixwaze desethelatê bi rengekî nûjen bileyîne û dîsa gel bixapîne da bi hêsanî layangir û piştgîr û peyêd xwe li dora xwe bicivîne. Her weha armanc û bernamê hemûyan her di riya îdeolojîya Baasde ye ku ti kes ji wan li ser gelşeya pir netew di hundirê welêtde nerawestî ya ye ji bil mafên mirovayetî û demokratî û pir partiyên koneyî û wesa azadî ya behweriya olî, raman û nêrîn û çapemeni ya azad, ev dîmagojya Erebperestî ji sala 1963an de her ber dewame û hemû hevrik li ser ewî bingehî perwerde bû ne û dîgerî Ereban mafê ti netewên dî di bindestê Sûrya de napejirînin, Di evan demên dawiyêde hevrikên rêjîmê gelek komcivîn li dar xistin ji komela Etasî ra bi gehê Ragehandina Dîmeşqê xwe bi xwe lihev nakin pirêdwan pişt gîrêd rêjîmê ne û hin yên partiya Baasin û hemû li dij alîkariya dervene, û tev di bêjin êrîşa ser Sûrî em na pejirînin û herweha li dij hevrikên dervene li gel ku hemûyan li ser ewê Ragehandina Dîmeşê emze kirine gelo l iser çi xalê li hev kirine...? Xedam dixwaze rolekê dî bi mejyê hevrikan bilîze û di lîze hemû yên welêt li dij Xedamin û rêberyawî napejirînin û yên derve li gel ku li di jin jî têke yê dikin. Û Ragehana Dîmeşqê li dij Bereya Rizgariya Perwerî ya ku Xedam û Ixwan El Muslimîn li Brûkselê li darixtine, ev dijîtiya hevrikan di de diyarkirin ku tikes ji wan nikare rêber yê bike û hem naxwazin rêberiyê bispêrin hev, wesa temenê rêjîma Faşist li ser serêxwe û gel dirêj dikin û bêhtir gel û welat dixin bin darê stemê û barekî giran. Stokholm - Swêd, 27. 03. 2006 Şêrkoh Hopohttp://www.pdk-xoybun.com |