PDK - XOYBUN
Jîn, Keça Min !   Jîn, Keça Min !( Diyarî ji giyanê zavayê min Seed Hesen Dellî re )Jîn, keça min ! Adar e Beriya Mêrdînê Beriyeke dûz û bê pîvane Dora girê Hecînasrê Þîn dike ji dexlane Ji çar kenaran ve Xêliyên te û Seed li hev civyane Jîn, keça min ! Min dît û ne dît Min Seed dît û ne dît Xwezka min ew bidîta Û agir bi rewrewka vê çolistanê keta Careke din koçerên zozana bê tirs Ji sînorê bi mayn û têlbidirî Berê xwe dabana germiyana ... Jîn keça min ! Min jî divîbû, ez Seed bibînim Pêre bi axifim, bi kenim, bi girîm û Xeman daweþîn im ... Te û wî li Doda û Hecînasrê bigerînim Ji we re serpêhatiya xwe û vê jiyana derewîn bibêjim û bi bibilînim .. Lê sed heyf û mixabin keça min, Govend çep gerya Dahol dirya, zirn çirya Erê ew govend çep gerya Çep gerya ... Jîn, keça min ! Di deverên teng de Em tev gunehan Li ser piþta qederê di þidînin Qederê sûcdar dibînin ... Xwe kor dikin û Çavên xwe ji sedemên bingehîn Di guherînin.. Bawer bike keça min Qeder bêriye ... Ku Seed zanîba wê Di dibista Hecînasrê de Bibe mamoste Di saziyek dewletê de Bibe mamûrekî hoste Li almaniya nedbû penaber Û mirovekî miþext e ... Jîn, keça min ! Ava çemê Ceqceq miçiqî Kirasê bûkaniya te reþ xeriqî Navê Seed di nav navên Adariyan de biriqî Êdî bes bigirî bes bigirî.. Bi Sumeya re bikene bi tiqtiqî Jîn keça min ! Meke girî meke girî Seed teyr bû Ew jî bi refê xwe re firî Çendî Sumeya girî Bele bigrî bela bigrî.. Va li ser girê Hecînasrê Ji nû me mehra we birî...! Welatiyên bi rûmet : Bilîlîn in bilîlîn in Mekin girî Mekin girî Qamiþlo, 11. 03. 2006 Ev çend gotin li Hecînasrê, di guhestina teremê Zavayê min Seed Hesen Dellî de hatiye xwendin. Konê Reþhttp://www.pdk-xoybun.com |
