PARTIYA DEMOKRAT´A KURDISTAN - XOYBUN

PDK - XOYBUN



Dilopek ji derya Xanî


Li koçka Ehmedê Xanî,

çira gotin ezê pêxim,

li dîwarê Mem û Zînê hilawêsim,

þevê ez pê bikim rehnî.

Þepolên reng û awazan,

li ser dêma ciwanî tev,

nizanim ka çi awayî bihîvêzim!?

Ji reng û rûçikê îro,

dilê min ku, dirêjê xwîn,

birîndarim.

Neþim bêjim

li vê derya pesindarî,

ne soba û ne hiþyarim.

Çikû zanim ku robarek neqiþbazî,

ji bejna Ehmedê Xanî

li bejna min ,

ne ew borê ku ez lêdim.

Neþim bêjim

ji goranî , li vê bestê

ne serbestim.

Çilo karim

li fincana xwe ez deynim,

bi hêsanî bidim hevdû,

bi hejmêrim

hemî peþkên di baranê!?

Çilo karim

dilê derya

bi mista xwe biçirkênim!?

Erê Xanî !

Biçûkim ez,

li awêna te ez dêmê xwe nabînim.

Li rû heyvan,

çiraya ber gelawêjan

çilo pêxim,

çirîsoke li destê min!?

Bi mûmek dê çi rehnîkim

rûyê rojan!?

Li Botan û li ser Cûdî,

te rehnî da bilindahî rûyê tarî.

Erê Xanî !

Te xanî bo me avakir,

bi kurmancî ,

te dîwarê ziman lêkir.

Li hevrîÞmê zimanzanî,

gelêrî bo me nîþankir.

Zevî hiþka biharek nû te kêlabû.

Li dîrokê berî her kes,

gula pêþî li vîna gel,

welat û xak,

li ser singa xwe danî bû.

Erê Xanî!

Çivîkên bawerî lavan

ji nav tora delavên dil,

te berda bûn,

li banî jor pelên hewran ,

kirin hêlîn.

Ji doþava Qesaran û

ji lêlava sipîberfa dilovanî,

bi tihnêtî vexwarin av.

Ji tîrêjên hemî rengan

ji bo taca Mem û Zînê,

çinîbûn xweÞ,

kevanê pelkezêrînê.

Erê Xanî!

Te kolabû çemê jînê ,cihok û þap,

lehî avên welatê min,

li herk û tev çirîsokî,

vexwarin tev delavên dil,

çemê vînê,

evîndarî Mem û Zînê.

Ji ava dil ,

ji xuhdan û

ji rengê simbilê bê nan,

ji aha nav dilê Dicle,

wekî sazek li dest pêlan...

bilûra bilbilê xemgîn,

evîn û jîn,

hejêkirn û xweþî û kîn,

sirûdek bû li ser têla

mûsîqarî du dildaran,

te hûnabû.

Mem û Zîna ji kevnarî,

li dîdarê welat û gel te anî rû.

Welatnasî li helbestek neqiþ kêþa,

di mermer de,

bi dîrokî te kolabû,

li dîwarê zeman danî.

Erê Xanî !

Erê Xanî !



......... / 02 / 1995
www.kecakurd.de





Fermo, li vir mizeke !

Kurdistan Welatê Kurdaye ! Her Bijî Kurd û Kurdistan !

http://www.pdk-xoybun.com

http://www.xoybun.com/extra/slide/Unbenannt-2.swf


http://www.xoybun.com/gallery/albums/PDK-XOYBUN/Nexise_Kurdistana_Piroz_xv1.jpg


http://www.xoybun.com/gallery/albums/PDK-XOYBUN/Nexise_Kurdistana_Piroz_xv2.jpg


Kurdistan Welatê Kurdaye ! Her Bijî Kurd û Kurdistan !