Mora Nîsanê - Di 109 Saliya Rojnamegeriya Kurdî de.



Mora Nîsanê - Di 109 Saliya Rojnamegeriya Kurdî de

Miletên bindest heyîya xwe ji serdestên xwe bi du tiþtan, qeweta du çekan diparêzin. Ol yek, ziman dudo. Lê heke ola miletê serdest û bindest yek be, hengî çek yek bi tenê ye û bend tenê ziman e…

Mora Nîsanê

- 1 -
Nîsan di welatê min de diken e..
Bîranîn xwe li bejin û bala min dipêçe..
Mora xwe li piþta gelek cih, kes û waran
Dixine… û
Çakiya ku bi xerabiyê tê guhertin
Kenê min tîne û min sosretmayî dike…
Mor;
Ne tenê giroverokek bi çend xêzikan neqiþandiye
Mor, mîna heyva nîsanê û xemilandina þuristê ye
Mor çesipandina dîrok û bûyera ye
Mor roja 22 ê nisanê ye,
Roja ku Mîr Miqdad Bedirxan ji me re bi nav kiriye û
Bîranînên 109 salan têde têne tevdan:
(Gelî mîr û axano, kurmancino!
Qenc bizanin xwendin, ilim û marîfet
Li dinyê û axretê rûyê mirov sipî dike..)

- 2 -
Nîsan di welatê min de dibiþir e..
Wan kêlîkên bi henek û laqirdî
Mîna (filþbakê)
Di ber çavê min re derbas dike
Ew jî mîna morê
Di huþ û xeyalê min de hatine çesipandin
Gelek caran bi min re dijîn
Tevî ku ez hewildidim
Wan jibîr bikim
Lê kelîkên xweþ jibîr nabin…
Ew jî mîna van gotinên ku
Ji berî 109 salave hatine gotin:
(Niho zaroyên xwe bielimînin îlim û maarîfeta.
Hûn bi xulaqeta xwe þûcaa û cesûrin.
Hekê hûn bibin xweyî îlim, hûnê ji dinyê hemiya
Xurtir û dewilmendtir bin..)
Ma gelo ev gotin jibîr dibin?!!!

- 3 -
Nîsan di welatê min de digurnij e..
Buhareke rengîn
Ji dexil, zevî, gul û kulîlkan dixulxule..
Îro an sibe, kî di firêzeya min de liqatê bike
Bela bike..bele bike..
Mirovê ehmeq çendî bilive
Bi mora þaþiyan riwê xwe reþ dike..
Mora zanyaran her ala wan bilind xuya dike..
Ji 75 salan ve Mîr Celadet Bedirxan gotiye:
(Îro li ser xwendayên kurdan wezîfeye,
Ferde û ferdeke eyne.
Lê ne kefaye, vekirina derisxanan..)

- 4 -
Nisan di welatê min de bibaran e..
Cejna rojnaamegeriya kurdî
Bi saya Bedirxaniyan ji heft rengan e
Mora wan li Kurdistana dayik, Rojî Kurd, Jîn
Hawar, Ronahî, Roja Nû û Stêr xweþ beyan e..
Qenckiro bi xwe kiro,
Xerabkiro bi xwe kiro.
Gotinek bav û kalan e..
Gelo raste, hin dikin û hin dixwin..?!
Va îro, em gotinên wan kesên ku kirine
Bi ava zêr dinivîsin û
Mîna ayetan datînin ber çavan e..
( ..li dinyê ji me kêmtir kes nemaye:
Em miletê kurd bi þûnde mane..
Xelkê hevsarê me kiriye destê xwe,
Li gor kêf û menfîeta xwe,
Berê me ji bakur dide nîvro,
Ji rojave dide rojhilê..
Divêt em jî bixebitin,
Xelkê xwe hînî xwendin û nivîsandinê bikin
Vî miletê belengaz ji tariyê xelas bikin,
Berê wî bidin tav û ronahiyê…)
Piþtî 109 salan
Ji nû ew dixwin
Hêjî em birçiyê gotinên wan e..
Û em dibêjin; sal bi sal, xwezî bi par..
Ka kovar û rojnameyên bi zimanê kurdî..?!!
An bi tenê nave, ku her rexistinek kovarek wê heye..
Êdî bese, bela Elo ji tûr derkeve.
Devê sikakên qepitandî vebin.
Govenda rojnamegeiya kurdî
Di vê Nisanê de bi þadî li dar be..û
Mora paþketina vê rojnamegeriyê
Di bêrîkên berpirsyaran de nebedî ne mîne..

Mîr Celadet Alî Bedirxan
* * *

Qamiþlo, 17. 04. 2007

Konê Reþ
Rojavayê Kurdistan
Bajarê, Qamiþlo, Dema weþanê, 28. 04. 2007



Konê Reþ

Kurdistan Welatê Kurdaye - Her Bijî Kurd û Kurdistan

http://www.pdk-xoybun.com

http://www.xoybun.com/extra/slide/Unbenannt-2.swf

http://www.pdk-xoybun.com/nuceimages/Newroz_Kurdistan_PDK_Xoybun_x1.jpg

http://www.pdk-xoybun.com/nuceimages/Nexise_Kurdistane_PDK_b.jpg





Navnîþana ev nûçe jê hatî: PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weþana Malper û TV yên Kurdistane.
http://www.pdk-xoybun.com - www.xoybun.com

Bo vê nûçeyê navnîþan:
http://www.pdk-xoybun.com - www.xoybun.com/modules.php?name=Sections&op=viewarticle&artid=389