PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

PARLAMENA TİRK Bİ CİVÎNA NE VEKİRÎ DİXWEZE Çİ BİKE ?

Kurdistaniyên hêja !
Civîna parlamena Tirkan ya ne vekirî di êvara 23.01.2007an de civiya. Bê guman di civînê de çi hatiye qisedan em nizanin. Jixwe dê axaftinên di civînê de deh salan bi dizî bimînin. Lê her kes jî dizane ku civînên Tirkan yên bi dizî bi taybetî li ser û li dijî çareserkirina pirsgirêka Kurd in. Ez bawer im mirov dikare li ser sê îhtîmalan bisekine ku di civîna parlamena Tirkan de çi hatiye peyvandin.

Bê guman îhtîmala yek li ser êrişa Kurdistana Azad e. Jixwe van dawiyana serokwezîrê Tirkan di her derfetê de di dermafê Kerkûkê de Başûrê welatê me bi tehdît dikir.

Îhtîmala dudiyan jî li ser haziriya êrişa Amerîka li dijî Îranê ye.

DYA hefta borî berpirsiyarê siyasî yê wezareta derve Nicholas Burns şande Anqerê. Nicolaus Burns him bi generalan re him jî bi wezareta Tirkan ya derve re dan û standin pêk anî û berê xwe da Îsraîl. Ji ber ku di vê navberê de çapemenî di dermafê qetilkirina rojnamegerê Ermenî Hrant Dink de kilît bûbû, loma hatina Nicholas Burns li Anqerê bala çapemeniyê zêde nekişand.

Ez bawer im îhtimala sisiyan jî li ser hatina Nicholaus Burns û şîretên DYA ne, ku Tirk aqilê xwe topî serê xwe bikin û li gorî wê jî gavan biavêjin. Dibe ku Amerîka bi awayekî pir bi nazîk Tirk tehdît jî kiribin ku ew bi behaneyên Kerkûkê dest ji bandorkirina Kurdistana Azad berdin. Lê di vê navberê de gotareke dîplomatê Tirkan yê berê Özdem Sanberk di rojnama Tirkan Zamanê de jî pir bala min kişand û ez dixwezim bi xwendevanan re parve bikim.

Özdem Sanberk behsa tişteke nû dike û dibêje, ku di pirsgirêka Kerkûkê de hên hemû riyên dîplomatîk nehatine xetimandin û behsa planeke nû dike, ku Tirk dikarin bi Siûdî Erebistan, Misir, Urdin û Îsraîl re rê li ber Kurdistana Azad bigirin. Özden Samberk sedemên wan jî rêz dike ku ev dewletana hemû jî li dijî referandûma Kerkûkê ne û naxwazin ku Kurd bi bajarê Kerkûkê hêza xwe xurt bike.

Çavkanî rojnama Zaman :
http://www.zaman.com.tr/webapp-tr/haber.do?haberno=491351

Tirk dixwazin çi bikin bila bikin, va ye di 24.01.2007an de civîna parlamena Kurdistana Azad jî pêk hat û gelê Kurd bi îradeya xwe niyeta xwe ya durist jî, helwesta xwe jî bi awayekî vekirî ji raya giştî re aşkere kir. Gelê Kurd aştî dixwaze. Çavê gelê Kurd li mal, erd û milkê ti kesî nîne. Lê gelê Kurd ne amade ye bibe koleyê xelkê jî. Gelê Kurd ne amade ye ku mal û milkê xwe bi dagîrkeran re parve bike. Yên êrişî Kurdistana Azad bikin, dê wenda bikin. Heger wêrektiya Tirkan heye bila wê şaşiyê bikin. Emê wê hingê bibînin ku dinya ji Tirkan re çend koşe û quncik e.

Almanya, 27. 01. 2007 -

FÛAD SÎPAN ( AKPINAR )

fuadsipan@yahoo.de

Kurdistan Welatê Kurdaye - Her Bijî Kurd û Kurdistan

http://www.pdk-xoybun.com
http://www.xoybun.com/extra/slide/Unbenannt-2.swf

http://www.pdk-xoybun.com/nuceimages/Newroz_Kurdistan_PDK_Xoybun_x1.jpg

http://www.pdk-xoybun.com/nuceimages/Nexise_Kurdistane_PDK_b.jpg