PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

NEWROZA 2006an LI HEMÛ GELÊ KURD Û KURDISTANÊ PÎROZ BE !

ABDULLAH ÖCALAN NÊRÎNÊN DEWLETA TİRK DİPARÊZE

Kurdistaniyên hêja !
Almanya, 15.03. 2006 — Kesên di dinyayê de êdî nizanibe ku Abdullah Öcalan di xizmeta dewleta Tirk de ye tine ye. Di cîhanê de kerr û dîn jî dizanin ku Abdullah Öcalan di bin bandora dewletê de ye û hemû daxwazên dewleta kûr - nehênî bi kar tîne, ku tevgera Kurd tar û mar bike, ji holê ra bike. Yên ku hên jî naxwezin bawer bikin, Apociyên desthilatdarên di nava PKKê de bi xwedî hêz in û yên ku li ser perên Kurdan mexel bûne û naxwezin wê saltanatê ji destê xwe bidin, naxwazin rastiyê ji gelê Kurd re bibêjin.

Êdî ne hewce ye ku mirov li îspat û çavkaniyan bigere û bibêje, gelo Abdullah Öcalan di xizmeta dewletê de ye an na? Apociyên li ser perên Kurdan lotikan diavêjin û li ser xwîna şehîdan siyasetê dikin jî baş dizanin ku Abdullah Öcalan bê qeyd û bêşert bi gotina genaralên Tirk radibe û rûdinê, hemû daxwazên wan yek bi yek bi cîh tîne, ku tevgera Kurd bifetisîne.

Dema mirov li çapemeniya Apociyan dinêre kenê guran bi wan tê û ew ji sibê heta êvarê piropaganda qaşo rêberê Koma Komalên nizanim kuderê dikin û nahêlin hebek toz jî li ser wî dayne. Lê rastî ne wisa ye. Va ye birêz Îsmail Beşikçi jî di hevpeyvinekê de bi rojnamegerê rojnama Tirk Milliyet re di roja 14.03.2006an de pir bi awayekî eşkere dibêje, ku Abdullah Öcalan di bin kontirola dewletê de ye û daxwazên dewletê dibêje.

Pirsên rojnamegerê Tirk Derya Sazak ji birêz Ismail Beşikçi

Siz Abdullah Öcalan yakalandıktan sonra ortaya attığı "demokratik Cumhuriyet" tezine karşı çıktınız. İmralı'nın tezlerinin bir "gerileme" olduğunu savunuyorsunuz... ( Tu di pê girtina Abdullah Öcalan re li dijî nêrîna wî ya ‘komara demokiratîk’ derketî. Tu nêrînên Îmralî wek ‘paşketî’ diparêzî.

Bersiva birêz Ismail Beşikçi :

- Kürt hareketiyle ilgili öneriler, dışarıdaki insanlar tarafından dile getirilmeli. İmralı tarafından değil. Kürtler adına ne tür siyaset yapılacaksa, dışarıdaki unsurlar var, Demokratik Toplum hareketi var, onlar fikir üretmeli. İmralı söylemi söz konusu olmamalı. ( Divêt pêşniyarên li ser tevgera Kurd ji aliyê mirovên li derve ve bêne ziman, ne ji aliy Îmraliyê ve. Çi siyaset bi navê Kurdan tê kirin, hêmanên li derve hene, tevgera civata demokratîk heye, divêt ew ramanan berbikêşînin. Divêt behskirina vegotinên Îmralî neyên kirin, nebin mijar. )

Pirsa rojnamegerê Tirk Derya Sazak : Öcalan, İmralı'ya girdikten sonra görüşleri değişti, artık "Dönemini kapattı" diye mi düşünüyorsunuz ? ( Tu difikirî ku êdî nêrînên Öcalan di pê ketina wî ya li Îmralî hatin guhertin, wî ‘dewra xwe qedand’ ?

Bersiva birêz Ismail Beşikçi :

- Devletin elindeki bir adamdır. Devletin denetimi altındadır. ( Mirovekî di destê dewletê de ye. Di bin kontirola dewletê de ye )

Pirsa rojnamegerê Tirk Derya Sazak : Rahat konuşamıyor mı ? ( Nikare dilfireh-rihet bipeyve )

Bersiva birêz Ismail Beşikçi :

- Çok konuşuyor da işte konuştuğu zaman ancak devleti konuşabilir. Çünkü devletin denetimi altındadır. Bunu kendimden biliyorum, 1985'te cezaevinden bir arkadaşıma mektup yazmıştım. Kürt sorunu konusunda. O mektubu bana iade ettiler ve dediler ki, "Sen cezaevinde de suç işliyorsun. Disiplin kovuşturması açacağız".
Böyle bir durum, işte çok masum bir şey söylüyorsunuz, Kürtler diye... Ama Öcalan, örneğin "Savaş ilan ediyor!" Devlet adım atmadı diyor, "Tekrar silaha başvurun." Bu kadar denetim altında bunu nasıl söyleyebilir? Demek ki, devletin de böyle bir istemi var. ( Pir dipeyve, lê dema dipeyve encax dikare li gor daxwazên dewletê bipeyve. Çimkî di bin kontirola dewletê de ye. Ez vêya ji rewşa xwe jî dizanim. Min di sala 1985an de di hepsê de li ser pirsgirêka Kurd ji hevalekî xwe re nameyek nivîsandibû. Ew nameya li min vegerandin û ji min re gotin, ‘Tu di hepsê de sûc dikî, emê tehqîqata dîsîplînê li dijî Te vebikin’. Rewş wiha ye, Tu tiştekî pir bêguneh jî li ser Kurdan bibêjî.... Lê wek nimûne Öcalan ‘şer îlan dike!’ Dibêje dewletê gav neavêt, dibêje ‘dîsa dest bavêjin çek’ Ew çawa di binê ewqas kontirolê de dibêje? Daxwaza dewletê ji wî heye loma. )

Çavkanî malpera rojnama Milliyet û Kurdistan Post

http://www.milliyet.com.tr/2006/03/14/siyaset/asiy.html

http://www.kurdistan-post.com/modules.php?name=News&file=article&sid=9599

Ne hewce ye ku mirov êdî van gotinên birêz Îsmail Beşikçi şîrove bike. Lê hêja ye ku dîsa mesela qiralên tazî dubare bikim.

Mesela Abdullah Öcalan û serokatiya wî û çewtiyên PKK-KADEK û KONGRA GEL wek mesela Qiralê tazî ye. Qiralek pir despot hebûye, ku li ser her kesî xerabî, tade û zordarî kiriye û loma ti kesî nikaribûye, ku li hemberî wî dîtin û nêrînên xwe bêje. Rojekê Terziyek, ku kincan didirû ji Qiral re dibêje, Qiral ezê ji Te re qatek kinc bi qumaşekî gelek bedew bidirûm, ku ji bilî kesên bi taybet pir baqil in, ti kes nikaribe bi çavê xwe bibîne. Ji ber ku Tu mirovekî pir bi taybet baqilî dê ji bilî te ti kes vî qumaşê bedew, ku ez ji Te re didirûm nikaribe bi çavan bibîne. Û paşê dema ku Terzî ji Qiral re dibêje, Qiral va ye ew kincê min dirût li ser milê min e, divê Tu xwe tazî rût bikî, ku ez vî qumaşê bedew li te bikim. Qiral xwe tazî rût dike û Terzî jêre dibêje, Qiral ez niha vî kincî li te dikim û lê binê re ka çawa li te hat. Ji ber ku Qiral xwe taybet baqil dibîne û qet xwe nezan nabîne dibêje, ev kinca baş li min hat û paşê dihere nav bajêr. Ji ber ku her kes jê ditirse, loma ti kes cesaret nake, ku ji tirsan jêre bêje, ku Qiral tazî ye. Lê zarokek bi diya xwe re bûye û bi destê diya xwe digire, diqêre û dibêje, dayê Qiral tazî ye, Qiral tazî ye............

Belê Qiral tazî ye, lê hin Kurd hene, ku bi çavkoriya xwe naxwazin bibînin.

Lê pir ne dûr e, ku dewleta Tirk rojekê ji Abdullah Öcalan re bibêje, êdî karê te li ba me qediya û wî jî wek Kurdên berê bi gelên xwe re îxanetî kiribûn bike. Dewleta Tirk û Kalê wan, di pê qirkirina Dersimê re, vegeriyan dora Kurdên ji Seyîd Riza re îxanetî kiribûn. Wan îxanetçiyan ji Kalê Tirkan rica û tika dikirin, ku bila ew neyên kuştin. Kalê Tirkan ji wan re dibêje:

Kesên bi miletê xwe û netewa xwe re îxanetiyê bikin, ew bi kêrî me nayên û em bi wan bawer nakin; ewê rojekê bi me re jî îxanetiyê bikin, loma wan kesên ku bi Seyîd Rizayê nemir re îxanetî kiribûn, hemûyan dide ber guleyan û dikuje.

Ezê ne matmayî bimînim, ku aqîbeta Abdullah Öcalan wek îxanetçiyên din be.

Almanya, 15. 03. 2006

FÛAD SÎPAN ( AKPINAR )

fuadsipan@yahoo.de

Kurdistan Welatê Kurdaye - Her Bijî Kurd û Kurdistan

http://www.pdk-xoybun.com
http://www.xoybun.com/extra/slide/Unbenannt-2.swf