PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

RUSTEM Û SERLEŞKER...

Çîrokên Rojdîtî - 13 -
Bi dilekî rehet dikarim bibêjim, va tiştên ku ez li vir lêdikim ne bi serê xwe dinivisînim. Lê nizanim van tiştên han mirov bi çi nav bike.. Ez ji vanan re dibêjim çîrokên rojdîtî..

Rehma xwedê lê be, Dersimê, li gundê me Riçik ê ji mala Hesiqilan Rustem hebû.Rustem li hember Axa û seyidan bi taybetî jî li dijî hiûmatê bû. Mirovekî rast û bêminet, peyagir û mirovekî bi xîret bû.

Di dema 12 İlonê de hin xêrnexwaz gilî û gaziyê wî dikin. Ew di wê demê de pîremêrekî 80 salî ye û di wê pêvajoyê de hê nû elektrîk hatiye gund. Wî jî dîtiye ku cara yekem axa bûne xwedî elektrîk, bi mabestî û peyagirî elektrîk ji mala xwe re sitandiye û televizyonek jî kiriye. Rustem li oda malê li pêş televizyonê li ser erdê ramedî û li filmekî reş û spî dineri.

Navê filmê ‘Melekên Çarlî’ ne. Di vê encamê de leşker havirdora malê digirin û dikin qêrin ‘teslim olun’( teslim bin ) Rustem qet bala xwe nade wan û li filmê temaşe dike.

Serokleşger di gel çend leşkeran derî û pencerê dişkînin û dadikevin hundurê malê.

Rustem vediciniqe û dibêje :
- Heu! Ma hûn ne însanin, çi wek milyaketên hov ji derî û pencerean de dikevin hundur !

Serleşker :
- Kalk ellerini kaldir teslim ol ! ( rabe destên xwe rake û teslîm be )

Rustem :
-Tew, ez di vê qeideyê nim ! Ulan oxlim ! Ma we xêre, we adet û toreyê mêrxasiyê jî wisa erzan xistiye bin lingan.. Xwedê şervanek wek ya Çarlî nesîbê min nake ku ez çi bikim..

Serleşker :
- Birak çene çalmayi bize sakladiğin teröristlerin yerini göster. ( dev ji galgalê berde û ew teroristên ku te veşartine ci yê wanan pêş me bike )

Rustem dikene û ji navîna odê berjêr xerpengê ( deriyê ku di nav odê de vedibe û mirov dadikeve odekê din, bi taybetî li gundan axur heye ) û derencê de dadikeve nav tariyê û gaziyê serleşker dike, serleşker bi tirs di gel leşkeran dadikeve xwarê û dibêje :
- Burasi karanlik .hem pis bir koku var. ( va dera tarîye û bêhnek ne baş tê )

Rustem pêl bişkoja elektrîkê dike û axur roni dibe, dibêje :
- Xwedê ji hiûmatê razî be, binêre ker û golikên min di bin ronahiya elektrîkê de çawa bi ken û kêf kayê dixwin..

Serleşker ji ber vê gotinê aciz dibe û bi hêrsketinê dipekîne ser Rustem :
- Ulan uyuşuk at yaraği! kendi haline bakmadan bizimle alay mi ediyorsun. Lo kîrê hespê yê tevizî ya yo ! Ma tu bi vî halî henekên xwe bi me dikî ? )

Rustem ji nişka ve bersiv dide :
- Ma oxlim, tiştên halo ji bo çi dikî devê xwe..

Di wê encamê de bi qundaxa tifingê çend derbe li Rustem dixînin û wî gêrî erdê dikin û ji wir diçin.

Adil Duran

Kurdistan Welatê Kurdaye - Her Bijî Kurd û Kurdistan
http://www.pdk-xoybun.com
http://www.xoybun.com/extra/slide/Unbenannt-2.swf

http://www.pdk-xoybun.com/nuceimages/Newroz_Kurdistan_PDK_Xoybun_x1.jpg

http://www.pdk-xoybun.com/nuceimages/Nexise_Kurdistane_PDK_b.jpg