PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

Yeksalîya Baxê Jinên Dêrika Hemko di bîranîna Pêşewa Qazi Mihemed de
Doh, ( 31. 03. 2007 ) li Eyndîwerê, di sînga çiyayê Cûdî de, di hembêza bajarê Cizîra Botan de,li ser peravê Dicle(Ava mezin), bîrweriya yeksaliya ( Baxê jinên dêrika Hemko ) hat bibîranîn. Ev Baxê jinan ku di roja ( 10. 03. 2006 ) an de li Dêrika Hemko hatiye avakirin. Belê wek rêzgirtin, wek giranbihayî ji navê pêşewa Qazî Mihemed û hevalên wî re, Baxê Jinên Dêrikê xwestin ku ahenga bîranîna yeksaliya xwe di roja 31ê meha Adarê de bibîrbînin, da ku 60 saliya bidarvekirina Pîşewa Qazî Mihemed û hevalên wî di huşê her kurdekî de bimîne..

Di vê bîranînê de dor 50 nivîskar, helbestvan, rewşenbîr û evîndarên peyva kurdî a resen amade bibûn, ji bil grûpên cur bi cur li Eyndîwerê, gelek gotin, gotar û helbest ji rex beşdaran ve hatin xwendin û ji gelek herêmêm ku kurd lê dijîn li Eyndîwerê amade bibûn...

Di vê festîvala seyrangehî de, li ser peravê çemê Dicle, di sînga Çiyayê Cûdî de festîvalê bi vî rengî destpêkir: Kêlîkek bêdeng li ser canê Pêşewa Qazî û hevalên wî û tev şehîdên xaka kurd û kurdistanê, di peyre nivîskar û helbestvana kurd Narîn Omer bixêr hatina mêvanan kir û çend gotin derbarî 60 saliya pêşewa û Baxê Jinên Dêrika Hemko gotin, hem jî çend helbestên xwe xwendin..

Bi dûv de helbestvana Kurd Evîn Şikakî gotinek helbestî got, di pey wê re endamekî din ji Baxê jinan bi navê Nesrîn Ehmed gotinek got û bixêrhatina êvan kir û ji nû rê da helbestvana kurd Diya Ciwan a ku ji Şamê, bi taybetî, hatibû bi bo ahengê, wê ji çend helbestên xwe yên bedew xwendin.. Di pey Diya Ciwan re nivîskar û rexnevanê kurd Rezo Osê, bi gotarekî xwe li dor şêraniya zimanê kurdî aheng xemiland.. û wiha Bavê Solîn helbestek xwend û di pey re helbestvan Îbo Can û helbestvan Bahoz her yekî ji wan jî helbestek xwe xwendin ...

Di bêhinvedanê de, û pişti xwarinê, li gelek cihan, li ber dengê dahol û zirnê govend û dîlan hatin gerandin.. Danê piştî nîvro careke din festîvalê di nav wê bihara xemilî de destpêkir û mamoste Derwêşê Xalib bi gotarekî xwe li dor navê çemê Dicle tev beşdar bê deng kirin..Di pey re min jî 60 saliya bidarvekirina pêşewa Qazî Mihemed û hevalên wî anîn ziman û çend helbestên xwe yên di derheqî Bedirxaniyan, Cizîra Botan, Seqlanê Meman û biharê de xwendin.. Di pey min re helbestvan Simko, yê ku bi taybetî ji Helebê hatibû Dêrikê ji bo vê ahengê, wî jî, çend helbestên xwe xwendin.. Û wiha van helbestvanan jî helbestên xwe xwendin: Argeş Mîranî helbestek, Mîr Al yê ku di gel kebaniya xwe a Finlendî ji Ewropa hatibûn du helbest xwendin û kebaniya wî TARO jî, gotinek bi zimanê îngilîzî, di pesnê jina kurd de got, hem jî Nesrîn Elî, Rojîn Seîd, Dastan Ridwan û Gulîstan Ehmed helbestên xwe xwendin..Û wiha berî ku rok têkeve zerikê de me xatir ji Çiyayê Cûdî, bajarê Cizîra Botan, malayê Cizîrî û çemê Dicle xwest û her yek ji me vegeriya mala xwe ..

Hêjaye gotinê ku ev jinên ha: Narîn Omer, Evîn Şikakî, Nesrîn Ehmed, Narîmn Nûrî û Nûha Omer, ji berî salekê ve BAXÊ JINÊN DÊRIKA HEMKO damezirandine û bervedêriyê di ber jina kurd de dikin.Em jî wan pîroz dikin û pêşketinê ji wan re dixwazin û bi hêviya berdewamiyê.

Konê Reş
Rojavayê Kurdistan
Bajarê, Qamişlo 01. 04. 2007

Konê Reş

Kurdistan Welatê Kurdaye - Her Bijî Kurd û Kurdistan
http://www.pdk-xoybun.com
http://www.xoybun.com/extra/slide/Unbenannt-2.swf
http://www.pdk-xoybun.com/nuceimages/Newroz_Kurdistan_PDK_Xoybun_x1.jpg
http://www.pdk-xoybun.com/nuceimages/Nexise_Kurdistane_PDK_b.jpg