PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

M. Şerif MÜŞTAK

XEMA DILÊ MI NE PARTÎYA HEWE YE, KA KARÊN HEWE BÛN ÇI ?

Bila ev nivîsa mi daxa ber çavên kesên xwedî rêxistin, lê ji bo kesên mejî teng, nezan weke ko zanabin xwe didin pêş, bi hevalê xwe re bêbext, di rêya xebate de asteng, dev nerm, pişthişk, an bê exlaq, ko her wextê hevalê xwe ji bo berjewendîyên xwe di şopînin, xapoker, rabûnrûniştin, danstandin, karê hevalê xwe ji bo berjewendîyên xwe di nav tevgerê de dikin nîqaş, xeydok, …û sekter bê.

Wexta mirov bi wan re di kevî têkilîyan bê rûmetî ji wan di bar ( rijih ) ê, ko firseta peyda dikin di hema wexê de dest bi reşkirina hevalê xwe dikin. Ji xwe ko yek qolî an di qolî firset ketin dest wan, hevalê xwe yê di dereca yekê de nezîk jî bê, ticara efo nakin.

Partîyên Kurd ko ji wan cida ne, Kurdistanî ne, ne Kurdistanî ne, bê hempa didin ber kûlm û pehînan, ti di bêjî 40 milyon kurd ketine bin siha wan, bûne pêşeng ( a ) ê gelê Kurd û Kurdistan. Ko psîkolojîya insanekî naskirin xwe wilo texlît dikin, weke Bûkalemûn axa ko di ser re di borin, di kevin rengê wê axê. Kurdistan, Kurdistanî, Kurdistanîbûnê ji bîr dikin, ji ber ko ew bi xwe bi tirsin, tirsonekin û bê rûmetîyê datînin cihê rûmetê. Hey bêziravê tirsonek.

Ma hûn di xwazin xwe bi gûherin, Kurdistanî bin an têkevin xetayê PKK ûnîterbûna dewleta Tirk, mîsaqê millî û Ala wê bi pejirênin ?

Xema dilê mi ne partî, ne seroke, xema dilê mi karê hewe ye. Hûn çiqas Kurdistanî ne, Kurdewarin, bi hevre dostin, kelêmê çavên dijminin, hûn di karin pêşenga gelê Kurd bin ?

Navbera EY û dijmin roj bi roj ne xweş dibê. Ji bo pratîkê, berbedel, mesaja hewe a Kurd, Kurdistan, Kurdistanî û Kurdewarî ji bo gelê Kurdistan çîye ?

Di rêxistinên Kurd de, hin kesên ji xwe ne bawer, hevalê xwe yê, zîrek, jîr, li ber çavê partîzan a reş dikin, hevalê xwe bi şûnde pehîn dikin, bi yek qolî, di qolî an bi civîn, ji bo rêya xebatê li hevalê xwe bigirin, tiştên neyî û ne bûwî lê weke bûwî elan dikin. Ji bo xwûna nû, cûwan nekevê nav partî yê, hereket, tevger ji wa nebûr ê, hejmara partîzan a teng digrin, an li gor berjewendîyên xwey ê şexsî hejmara sofî ya zêde dikin, zanebûn ê, mejî û mêrxasîyê bin ling dikin. Ew bi xwe nezan û mejî teng, lê weke kesê zana xwe bilind nîşan didin.

Ji bo xwe prensîbekê datînin xwe wilo qanalîze dikin. Organîzasyonê li gor xwe di rêçînin. Ji xwe re di bêjin „Bila kiçik bê a mi bê, mezin bê a mi bê û bila tevger ji mi nebûrê“

Li xwe veger, li şopa xwe meyzeke, ti ji kûderê gihayî kûderê. Serketin çine, zerer-zîyan çîne, di şûna pratîk a te de çi fesadî, neyartî ma, te çend kes bi bêbextî, ne rastî yê, bi awayê xwe, ji karê netewe yî, welatparêzî, millî avêtin, dûrkir, pehînkir an paqijkir ?

Ji ber ti ne zan, ne jîr, ne aktîf bûwî, te ne dikarî li gor demê xwe bi gûherî, navreş bûwî, ji ber kû te ne di xwest ti li mala xwe rûnîhî û te ne di xwest şoreşger kê ji te bi wesiftir cihê te bigrê. Ti di nav tevgera welatparêzî de ketî fen û fîta, te dolab girêdan, gerandin û dan gerandin û te hevalê xweyê dîrokê sala êşand. Heja ti exlaqê xweyê genî û sîyaseta xwe a gemar di domînî. Te zerer zîyan daye tevgera gelê Kurd û Kurdistanî. Rê berde, ko ti şoreşgerbî ji rê derkeve, bila sîyaseta Kurdistanî, tevgera Kurdewari partîzanî û demokratîk xwûrt bibê. Ma ti ji gû danxwarin a bi zorê jî fedî nakî. Ti exlaq û sîyaset a genî terk nakî.

Qesra Sipî û Perleman a Ewropa herdû ketin e Kurdistanê. Cihan gelê Kurd û Kurdistanê nîqaş dikê. Plan û projên hilweşandina dijminê gelê Kurd li ser masê di nêqaşêde ye. Tirko ketîye tarîyekê rê jê dernaxê, hewar û gazîya wî Surî û Îran e, herdo di armanca tivingê den e. Exlaq û sîyaseta genî ti jê dernakevê hişyar be, zaro, malbat, gelê te û Kurdistana te çêtire.

Hêja ti berjewendîyên xwe û partîya xwe datînê pêşîya menfîetên gelê xwe, ti çi di xwazî ?

Rexne û nêrîna mi li kî zor tê zor nayê, kî digrê ser xwe û nagirê ser xwe ji bo mi ne giringe. Kî bigrê ser xwe, ew ji xwe bin şile, ko bigrê ser xwe deng nekê û li xwe ne vegerê, ji bo wa gotina mi hê bêhtir tûjtir e. Ez di xwazim ko ew kî bin derkevin holê em bi hevre nîqaş bikin.

Vêca ez di pirsim.

1 - Ti amadeyî ko şaşîyê te di partîya xwe de kirî û ti dikî, alanî bi navkî û xwe rexne bikî ?

2 - Ti amadeyî rêya kar û xebatê ji hevalê xweyê ko ji te zanatir jîrtir, aqtîf û mêrxas re berdî ?

3 - Ti amadeyî pêşî ji bo menfîetê gelê xwe, xwûna nû û cûwan têxî nav partîya xwe ?

4 - Hevalên ko partîya te ne di zêndanan de gel û partîya xwe paristî ye, ti lê bi xwedî derketî, an ti ji bo şexsîya xwe bilind bikî te pere komkîrin, girtîyên şoreşê te kirin e propaxanda xwe ?

5 - Ti li malbatên girtî û malbatên şehîdên partîya xwe bi xwedî derketî, an te bi navê şehîd û girtîyên partîya xwe pere kom ( dikî ) kirin ?

6 - Te çend partîzanê zana, aqktîf, mêrxas, bi awa yê xwe suçdarkirin bi awa yê xwe ji pêşya xwe paqijkirin e ?

7 - Ti bi zana yî, karbar, partîzanî û sîyaseta xwe bawerî ko ti ji hevalê xwe pêşdetirî ?

8 - Ti amadeyî bêtirs li berxwe bidî ji bo ti gelê xwe ji sefseta Imrali û Kemalîzmê bi parêzî ?

9 - Te soz li ser xwe daye ko feyda gelê xwe danî pêşya feyda xwe û a partîya xwe ?

10 - Te soz û peyman heye ti ji bo gelê Kurdistan, Kurdistan, Kurdistanî û Kurdewar gelê te qûbleta te bê, li dijî hemû êrîşên ko bên ser axa azad û ti jî pêşmergê Kurdistan a federel`î ?

Ez ji tevayê rêxistinên Kurdistan re di bêjim di pirsim, xema dilê mi ne partî û serokin.

Xema dilê mi kîjan partî, serok, sîyaset çiqas Kurdistanî ye, gavên Kurdewari hene û tavêjê ?

Ji bo sefseta Imrali vale derkevê, muxalefeta Kurdistanî wê li Kurdistanê çawa derkevê kolana, meşa li darxê, êrîşên ji dewletê û PKK werin ser gel wê vale derxê û berbedel çîye ?

Imralî bi lez û bez şagirta digrê axê didê ser singa gelê Kurd, ma ti nizanî rewş roj bi roj bindikevê, xalo wên ko gotin li telê di kevê ?

Tevgera başûrê Kurdistan bingeha serketinê ye, hejmara dagirkerên Kurdistan daxist sisê ya. Dewleta Tirk weke harê qûdûz girtî bê, xwe tavêjê siha xwe, dilopên xwûnê ji dev di niqûtin. Li başûr helwesta Kurdistanî, bû egera dewleta tarî li Tirkîye dîsa derket pêş Serok komar ê kevin Silêman demîrel di bêjê „Dewleta kûr her wextê heye, ko valeyî derket bi xwe di bê dewlet, ko zeafa dewletê çêbû bi xwe dewlete.“

Demirel destpêke ke nû nîşan didê, heyîna dewleta kûr di pejirîn ê, dewleta kûr ketî ye nav kar, bi lez karê xwe di domênê. Receb Teyîb Erdoğan ji bo xwe bi dewleta kûr şêrîn bikê dîsa dest bi inkarkirina gelê Kurd kirî ye.

Serok komar Ahmet Necdet Sezer ji bê çaretî, lewazî a sîyasî çû serdana Serokê dîqtator û mejî zarok ê dewleta Surî Bişar Esad. Di çapemenîya cihanê de weke Tirk serê xwe ji EY re nizim nakin nîşandan, lê bûyer zitê vê ye, bê çaretî ye. Têkilîyên EY û Tirko di alîyê nexweşîyê de hingî dibê kûrtir dibê. Îro ji bo EY pêpelûnk a xwe hilavêtinê Başûr ê Kurdistan û Israîl e, Kurd û EY mil bi milin û Bihar bi dilê gelê Kurd e.

Ji kerema xwe bila rê ji coşbûna tevgera Kurdistanî re bê vekirin, dem û wext zû di fitilîn, em gelê Kurd her wextê li paş gûhortina wext mane, em vê carê ji gûhortina wext dîsa bi şûnde nemînin. Pêwist e ko tevgerên Kurd li her çar peçên Kurdistan Kurdistanî bin, Kurdistanî bijîn, Kurdistanî rabin, rûnin, bi hevre Kurdistanî û kurdewar bi hûnin.

Li Başûrê Kurdistan rastî ya têkilîyan, tifaqên Kurdistanî û millî di pratîkê de derket holê û xwîyakir. Tevgera sîyasî a Kurd ji îro û pêde gelek pêwistî pêhe ye ko Başûrê Kurdistan mînak bigrê. Tevayên rêxistinên sîyasî, demoqratîk, kesayetîyên serbi xwe û ronakbir di nav partîya xwe de û ji derveyî partîyan, bila kes li pêşya kesê ne asteng bê, herkes li gor qeweta xwe, xwe têxê bin bar û ji karê xwe re bila em Kurdistanî bin, Kurdewar û millî bin. Kîjan Kurd li kûdera cîhanê ko bijî, bila piştgirê axa azad bê û xwe pêşmergê axa azad bibînê.

18. 04. 2005

M. Şerif MÜŞTAK
Serif.muestak@gmx.de