PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

M. Şerif MÜŞTAK

REWŞA ÎRO Û PÊŞNÎYARÎYA SAÎT AYDOGMUŞ !

Leyîstok xirabe, meydan toz, duman, mije û morane, li alîyekê qozeqere, li alîyêdî teq teqa berqa ye, xuşe xûşa ewra û bahoze. Heja ji ber vê xirabîya li ser gelê Kurd bi taybet li bakurê Kurdistanê werbûwî, xwe paristinek nîn. Ez bejna xwe li ber şehîdên Helebçe û bi taybet li ber tevayê şehîdên Kurdistanê di tewînim, Newroza vê salê li gelê Kurd pîroz dikim, ev Newroz a sala serxwebûn û azadîyê bê.

Gelê bakûrê Kurdistan Ji bo xwe ji rewşa xirab, dostîbûna Abdullah Öcalan û Generalên Tirk xilas bikin, cara yekeme ko sîyasîyekê Kurd bê mejîtengî, bi dilekê vekirî û Kurdewarî pêşnîyarîyeke rê li ceng û berxwedana rojê weke carikên car zemana vekê avête meydanê ber tevayê tevgerên sîyasî, bingehên demokratîk û kesayetîyên serbixwe.

Xwedîyê pêşnîyarîyê Sait AYDOĞMUŞ´e. Weke ko mi fêhmkir pêşnîyarî bi vî rengîye”Tevayên tevgerê sîyasî ê li bakurê Kurdistan, di bingehên xwe de, an di derdorên ko têde tevgerê di domînin, kesên ko pispor, dikarin perspektîfa derxin hole û perspektîfan bînin, şexsîyetên bi rumet ko ji derveyî rêxistinan û bingehên demokratîk ko xwedî bingeh bangî li teva bê kirin, Xebateka hevbeş û rêxistineke çawa?” Konferanseke neteweyî bi vê rojevê bê li darxistin.

Bi bawerîya mi pêşnîyarîya Sait AYDOGMUŞ di cihde ye. Ko Kurd li vê pêşnîyarîyê xwedî derkewin, di karê rewşa bakurê Kurdistanê bide guhertin.

Pirsa ko di bêjê “xebatek hevbeş û rêxistinek çawa?” Ezê di vê derbarê de rojên pêş de bi dirêjayî nêrîna xwe vekim. Lê ko bi kurtayî nêrîna xwe bi bêjim, alternatif rêxistinek legal e. Rêxistin a legal dive bi navê Kurdî bê. Lê em ferz bikin ko konferans pêk hat û li hev hate kirin. Wê wextê ne pêwiste ko tevgerên ji derveyî PKK bi sekinin heya rêxistinek legal bi nave Kurdî bê damezrandin. Di Karin di rêya HAK-PAR re tevgera xwe bi domînin heya partîyek bi nave Kurdî destûr wergirê. Heta firset heye ko xebat lê bê kirin navê HAK-PAR`ê bi xwe bibê Kurdî. DKP ne fermî bê jî, bi vergerandina navekê Kurdî di karê bibê nîqaş û ji bo navekê dî jî alterntîf pirin. Bingehên neteweyî ê heya niha hatîn damezrandin bila weke xwe bimînin, ne zerere, di herikandina wextê pêş de bi xwe hel dibin. Ez bi xwe hêvîdrim ko pêşnîyarîya Saît AYDOĞMUŞ tê kevê nîqaşê û cih bigrê. Dagirker di rojên tengî dene, li hev digerin, bê dengî zincar e. Wext hingî di bûrê DTH di mejîyên Kurdên paqij de bêhtir kûr tê kolan.

Li başûrê Kurdistanê wexta ko tevgera Kurd gav bi pêşde tavêjê dewleta kûr a Tirko di laşê xwe re di derizê. Ti dibê axa başûrê Kurdistan a wî û bavê wî ye. Surî xwe ji Lubnan di kişênê, pê hers dibê, ti dibê qey xizna bavê wî li Libnanê ma bê xwedî. Xelk di bêjin rejîma teoqratîk û dagirker a Îran ”Dev ji çekên kom kûjî berde, sentralên atomê bi sekinê ne û destê xwe ji terorê bi kişêne.” Tirko disa hers dibê û dibêjê ” Pirsgirêk ne evin, xwestina hilweşandina dewleta Îrane, em û Îran cîranên hevê başin” De were ji ber Roma Reş “vî kerî bide vî borî.”

Serok Meshud Berzanî di bêjê “ Em Ala Iraq a ko ji rejîma behs mayî li serxwe qebul nakin, yekê ko qebûl bikê bila wêneyê Sedam Hisên jî danê ber.

Jiber ko dibin wê Ala rejîma behs de 180 hezar Kurdên enfalkirî ne xwîya ne, 8 hezar Berzanî ji hole winda kirîne, 20 hezar Kurdên feylî winda kirîne, 6 hezar Kurd li Helebçe bi çekên kîmyayî qetilkirî ne, bi dehên hezara seqet bûna, hêja zarok seqet tên dinya yê û ji bo parastina gelê Kurdistan bi hezara Pêşmerge şehîd ketinê. Bi trilyara dollar zerer zîyan çêbûwe, ji nêza birçîbûn bi hezara zarok, pîr, kal û cuwan di enfala de mirine, hêja bi hezara seqet bar mane, 4500 gund xirab kirîne û hêja xwîn ji devê bîrînê gelê Kurd di niqûtê.”

Tirko dibêjê “Meshud Berzanî di xwazê dewleta Iraq qet bike” Ma Iraq qet bibê ji bo Tirko çîye?

Ma Roma Reş ne çav sorî ye dikê?

Tirko fal vekir ye tê, re di bînê siba ko Ala Tirka jî wê bibê nîqaşa weke Ala Sedam a Behs, ji wê bonetê hevqas hers dibin, nikarin li ser ti cilika runin, ti dibê stirî wê di binê wî re herin Arîkarê Serok Erkanê Herb dibêjê “Li Iraq mafê meyê gotinê nîn, polîtîqa meya Iraq nîn, hejmara terorîstan ji hejmara 1999 bêrbi jor hilkişa ye, 3000 terorîst daketine ser sînorê Kurdistana Başûr û Tirkî, gelek qalibên TNT li derdorên Bîgolê, Elezîzê, Dêrsimê hatine dîtin, gelek jê ne xwîyane, kes di vê derbarê de pirsê ji me nakê û gel rojên terorê zu ji bîrkir.”

Di hema wextê de di meclisa enqere de perlemanê CHP yê Entaqya Züheyir Amber ê ko eslê xwe inkar dike, girêbendek bi nivîsandin da serokê meclîsê û jê pirsî ”roja 17.12.2004 ko 5 tîmên taybet ber bi Bexda ve diçûn li Musil çawa ketin çeperê û çawa hatin kûştin?” bersiveke fermî xwestin. Abdullah Gül di bersiva xwe de di bêjê “ji ber ewleyî a rêya ezmana nebû û rêya erdê ko ji musil diçe Bexda jî ne bi ewleyî bû, tîmên taybet rêya xwe ber bi Bexda ve gûherti bûn. Kesên ko Tîmên Taybet xistîn çepera şibandi bûn ko leşkerên Emerîqanin, çekên ko bi taybet bi wan re ji bo paristina Şehbender ( Balyoz ) bûn”

Lê baş tê zanîn ko xebera sîyasî ji van 5 tîma nîn. Leşker ew tîm ne rêkiri bûn ji bo Şehbender bi parêzin, ew çobûn kû çalekîyên terorist bi kar bînin û li xezebê rast hatin. Bersiva Abdullah Gül nîşan didê ko kesên Tîmen Tirko xistîn çeperê, weke xebera wan ji hev heye, li hev bûne reş û hev kûştine. Di bê ko îro jî bi nisbetî wan tîma hêja gelek li herêmên kurdistanê û Iraq ji bo hin armancên xwe bi kar bînin hebin.

Org. Yaşar Büyükanit û dewleta wî a kûr hîn bibûn, her wextê balkêşîya gelê Tirkî di kişandin ji derve ser Yunan, Suri, Iran û tehloka ko ji YS bi hata nîşan didan. Niha vêca rê li Tirko xetimîye niza çawa hênceta derxê û wext bi dest xwe bi xê. PKK ji bo dagirkera hênceteke baş bû, nîjadperestên Tirko pê baş propagan de dikirin. Lê îro gelê Kurd Abdullah Öcalan û partîya wî PKK baş fêhm dikin, gel heroj piçek dî jê dûr di kevê. Êrîşên PKK ko li hember welatparêza didê kirin bivin û nevin wê bimînin vale.

Dagirkera ev jî baş fêhmkiri ye, pora xwe vedidrû wê. Org. Yaşar Büyükanit di xwazê PKK ji nûve bike balkêşîyek û bi wasita PKK propagandê ji nûve geş bike, rê li êrîşan vekê ko Kurdistanê bi bimbên napalm bi pelixênê û rê li tekilîyên YE bigrin, ew û Abdullah Öcalan bi hevre kolanên Kurdistanê bi xwûn bikkin.

Lê heyhate, “Ew ware, lê ne ew bihare.”

Bremen, 18. 03. 2005

M. Şerif MÜŞTAK
Serif.muestak@gmx.de