PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

EM XWE Lİ BER CEGERDARIYA CİWANÊN KURDİSTANA ROJAVA ( BAŞÛRÊ BİÇÛK ) SERÇOK BİKİN !

Wek li her derê ciwan ew in ên ku bi cegerdariya xwe û bi xwîn , nerîn û xwendina xwe a cûda ji serdma xwe re dibin pira guhertinên nû nemaze dema rew‏‏‏‏‏‏‏‏ş digihê astên ku riyên kevin êdî çirûk dibin û p‏‏êwistî bi desgehên guherî xwe dide pê‏ş !

Wek me dît û bihîst çi di roja yekemîn salvegera serhildana 12ê Avdarê û çi di şeva Newroza vê salê, sala 2005an de CİWANÊN KURD li QAMİŞLO bi metodeke wêrek û kontrol kirî du çalakiyên bi ser keftî organîze kirin , heger em bi çavekî nêz û bi hûr bûn li van herdû çalakiyan bineren dê mirov wan wek du birûskên ku nî‏şanên nû didin bibînin , nîşanên ku wa diyare ku ciwan xwe ber bi destxistina qedera gelê xwe de dibin û êdî xwe berpirsiyar dibînin û tên qata liv û lebatê û wek diyare ew nema bi raman û liva kevin a Tevgera Kurdî razîn e û wê li bende fermanên wê ên demtêbihurî nemînin !

Ev herdû çalakî ku bibin destpêkek bi rêbaz û piroje û bi rengên demoqratîk û aşityane û bi xwekontolkirinek şaristanî dê riyeke nû û bi serkeftî ji bo GELÊME me vekin !

Ji Tevgera Kurd tê xwestin ku xwedî li van ciwanan derkeve û rê li ber wan negre û bi çavekî dîrokî li van çalakiyan binere û serpêhatiyên xwe têxin xizmeta van ciwanan û wan destek bikin û rê bidin kesayetiyên ciwan ên zanyar û ektîv ku ciyê xwe di nav gel de ava bikin û diyar bin ji bo ku gel li wan guhdar be û wek wan bilive !

Êdî tirsonekiya siyasî û rêxistinî nema me digihîne tu astan û ji her kesî re êdî diyare ku demek nû li Rojhilata Navîn rû dide ‏û em bixwazin an nexwazin dê bi ser keve îca ger em jê re ne amade bin dê wek pir caran wê dem di ser me re derbas bibe û emê li paş bimînin !

Ciwanîn me ên zana reşwenbîr û çalak ç‏êbûne em rê bidin wan û xwedî li wan derkevin ku hê b‏êtir xwe bi pê‏şxin û bibin siyasiyên pispor û muhterif ji ber ku siyasiyên hawî nema bi kêrî me tên !!!

Ger em rê nedin nifşên nû û xwedî li wan dernekevin emê bibin rêbendek tarî li pêş wan û emê riyên azadiya gelê xwe û civata xwe bi derngî bixin !

Lê gereke CİWAN jî bizanibin ku erka wan dîrokî ye û li gor wê xwe organîze bikin û di pêşî de di nav xwe de demoqrat bin û guh bidin hev û rê bidin hev û li serê hev nebin dîktator û ne NERCİSÎ BİN !!!!

Ingilistan, 22 / 03 / 2005

* * * * * *

Birayê we : Mervanê KELEŞ
mervan111@hotmail.com
mervan112@yahoo.com